अधुरो

BS : 2076 / 10 / 18

AD : 2020 /2/1

--- रोहन कर्ण

              SOME THINGS ARE MEANT TO BE INCOMPLETE .....

तिम्रो अधरको साथ बिना मेरो मुस्कान छ अधुरो

तिम्रो नयनको हेराई बिना मेरो हेराई छ अधुरो

तिमी नजिक नहुँदा अप्ठ्यारो हुन्छ मेरो मनलाई

तिम्रो अस्तित्व बिना मेरो अस्तित्व छ अधुरो

तिम्रो कलम को साथ बिना मेरो पत्र छ अधुरो

तिम्रो निशाको जून बिना मेरो नक्षत्र छ अधुरो

तिम्रो त्यो बोली बिना बाख्खिन्छ मेरो बोलाई

तिम्रो न्यानो स्पर्श बिना मेरो हत्केला छ अधुरो

तिम्रो हिँडाईकाे साथ बिना मेरो यात्रा छ अधुरो

तिम्रो ईन्द्रको आभाष बिना मेरो जात्रा छ अधुरो

तिमी लजाउँदा मेरा गाला लजाएर रातिईन्छन

तिम्रो स्वप्नको आगमन बिना मेरो निद्रा छ अधुरो

तिम्रो आगमन बिना मेरो लामो पर्खाइ छ अधुरो

तिम्रो यादको सम्झना बिना मेरो सोचाइ छ अधुरो

जता हेरे पनि तिम्रै अनुहार छाँपिन्छ यी आँखामा

तिम्रो हाँसोको दृश्य बिना मेरो हाँसो छ अधुरो

साथ मिले तिम्रो कलमको , मेरो पत्र हुँदैन अधुरो

सार्थक भए तिम्रो अस्तित्व , मेरो अस्तित्व हुँदैन अधुरो

मेरो मुटुमा धड्कन बनी धड्की रहन्छौ तिमी

तिम्रो साथ मिल्यो भने रहनेछैन मेरो यो जीवन अधुरो

                  IT IS NOT OVER TILL IT IS OVER