बयान

- रोहन कर्ण

• तिम्रो लागि दुई शब्द लेख्न बसेको थिए कलमले हार मानिदियो

कलमलाई फकाउन कागजलाई भने उसले पनि नाइँ भनिदियो

• भावना पोख्न नपाउँदा आकाशतिर हेर्दै निराश बसेको थिए

एतिकैमा एउटा तारा टुटेर तिमीलाई मेरो जीवनसाथी छानिदियो

• स्वप्नमा देखेकोभन्दा भिन्नै पाए मेरा नयनले तिम्रो हँसिलो मुहार

त्यो मुहार देखेर प्रकृति सर्वसुन्दर भन्ने मेरो दृष्टिकोण फेरिदियो

• कैयौं कलम भाचिए कैयौं कागज च्यातिए तर तिम्रो बयान हुनसकेन

अप्सरासंग तुलना गर्नखोजे तर स्वर्गले नै तिम्रो तस्बिर हेरिदियो

• कुन शब्दकोश हेरु कुन पाना पल्टाउ दुविधामा परेको छु म

ईन्द्रै संकोचमा परेर उर्वशीको ठाँउमा तिमीलाई राखिदियो

• विश्वकै सुन्दर वस्तुले जीवन भरिदेउ भनी सपना देखेको थिए

आँखा खोल्दा मेरो सारा आँगन तिम्रो तस्बिरले भरिदियो

• सम्पत्तिको नाममा केही छैन खालीपनले भरिएको छ मेरो हात

मलाई तिमिमात्र चाहिन्छ भन्दा तिमीलाई मेरो नाम गरिदियो |