साथी

2077/01/01

- रोहन कर्ण

He who knows more about you than anyone else.....

• जब जब मैले आफूलाई एक्लो माने , उसको साथ हुने गर्थ्यो

• म उसको दिलको धडकन बन्दा , ऊ चाहिँ मेरो माथ हुने गर्थ्यो।

• मुखले केही नबोलेरपनि उसको सबै कुरा बुझ्थे म

• हामी दुवै केही नबोलेर बसेपनि , त्यतिखेर क्या बात हुने गर्थ्यो।

• बाटो कठिन थियो कतिखेर लडिन्छ भन्दै सम्हालेर हिड्थे म

• जहाँ मेरो पाइलाले थेग्न सकेन त्येतिबेला आउने उसको हात हुने गर्थ्यो।

• जिन्दगीको सफरमा जहाँ आफ्नो अस्तित्वमाथि सङ्कोच हुनलाग्यो

• त्यतिखेर मेरो पहिचान बनेर मलाई चिनाउने ऊ मेरो जात हुने गर्थ्यो।

• जब जब मेरो मनोबल कमजोर भयो , उसका आँखा नि रसाउँथे

• चोट लागेर खस्दा म , ऊ नि शरद ऋतुको पात हुने गर्थ्यो।

• व्यतित गरेका दिनमा मसँग अनिष्ट हुँदा ऊ कहिले मुस्कुराउदैनथ्यो

• जिन्दगीले मलाई ठक्कर हाने संयोगवश ऊ सँग नि घात हुने गर्थ्यो।

• बाल्यकालका ति ठट्टाहरु सम्झिदा प्रफुल्लित हुन्छ मेरो मन

• मलाई पानी पिएर नशा चड्दा , उसलाई पनि मात हुने गर्थ्यो।।

To all my friends who have helped me in my hard times.You guys are awesome and you give me a chance to live yet another day happily.

#Staysafe and love you all...